كشف المستشار مرتضى منصور، رئيس نادي الزمالك، عن عمل عقد رعاية جديد للنادي الأبيض.
وقال مرتضى منصور، في تصريحات تليفزيونية عبر فضائية «الزمالك»: «كانت هناك مكالمة جمعتني مع عمرو الفقي، في الساعات الماضية وزودنا عقد الرعاية شوية، بما يليق بنادي الزمالك».
وأضاف: «جمهور الزمالك هو السبب في موضوع الرعاية ده، لأن رابطة الأندية عندما تعمل استفتاء على لاعب الجولة، 70 مليون يصوتوا للاعب الأهلي ومحدش يصوت للاعب الزمالك، فهما بياخدوا ده مقياس للشعبية».
وتابع: «شعبية الزمالك في مصر والوطن العربي تفوق شعبية الأهلي، لو الأهلي متفوق في مصر بنسبة 5% الزمالك متفوق في الخليج بنسبة 90%».
وأردف: «لما بيتعمل استفتاء بيطلع لاعيبة الأهلي 70 ألف وفي نفس الوقت أحسن لاعب في مصر اللي هو زيزو محدش بيصوتله.. انتوا المسؤولين في كل حاجة بتحصلنا دلوقتي ما تدخلوا على موقع الرابطة وطلعوا زيزو، أحسن لاعب».