بقلم : أبانوب مرجان
لكل بنت فقدت ابوها
لكل الناس اللي كانوا
حواليها و فجأة سابوها
صباحك ورد على أحلى عيون
وإياكي يفرق معاكي
كلام عاقل أو مجنون
و مايهزكيش كلام الناس
علشان دول مايعرفوش
حاجة عن الإحساس
طب هقولك
صباح الفل عليكي
و على ظروفك
على سنينك و أيام خوفك
وما تزعليش يا بنتي من أي كلام
أو من حد بيجي عليكي
لإننا واثقين إن بكرة
هنشوف أجمل بيت على إديكي
و أعذريهم دول غلابة مايفهموش
إنك أجدع و بــ ١٠٠ راجل
و في وقت الأزمة أسد و بشوش
واللي يجي عليكي بيتاكل
أرجوكي سيبك من أي كلام يتقال
وأسأليهم مين اللي قال
إن اللي ابوها مات
بتبقى شمال .؟