اهم الأخبار:

فنون وثقافة

أنواع الرجال التي لم تتحدث عنهم ميرا سامي متسابقة برنامج " نفسنة جوت تالنت"

كتب: فريق حريتنا
التاريخ 23 يونيو 2016 - 02:31 م
حريتنا - أنواع الرجال التي لم تتحدث عنهم ميرا سامي  متسابقة  برنامج  " نفسنة جوت تالنت"

بدأت المتسابقة ميرا سامي فقرتها بعامل جذب قد اعتبره البعض في البداية سخرية لكنها استطاعت ان تحول هذا نقطة قوة لها، وهو صغر حجمها وجاءت الصدمة للجمهور من موضوعها الذي أثار شهية المنفسنات الثلاثة والمشاهدين، عن أنواع الرجالة، لكن لضيق الوقت لم يتسنى لميرا سامي أن تقول جميع الأنوع التي نشرتهم من قبل في مقال لها.

 النوع الأول: أرجوكي أوعي تغيري

وده نوع حواليه بنات كتير أنت نفسك لو حتى بتحبي هتلاقي نفسك بتقولي "هو إيه اللي عجبهم فيه؟؟"، النوع ده أسرع طريق لأمراض الشيخوخية، وهيصحي جواكي شخصية المفتش السري هتلاقي نفسك بتضيعي وقتك بتراقبي حركاته على شبكات التواصل الإجتماعي، بعدها تحددي أهم بنات بتمثل خطر على علاقتكم وتبدأئي في المراقبة، والنوع ده فيه ميزة واحدة أنه بينمي عندك قدرات التجسس، بس بنتهي بيكي الحال بشلل رعاش من التوتر والقلق مع كل لايك وكومنت ونوتفيكشن من الواتساب.

النوع الثاني: ابن الست الوالدة

الراجل ده أنتي مش بتكوني متجوزه هو أنتي متجوزة أمه، وأنت وحظك لتكون أمه طيبة أو مش طيبة و في دراسات بتقول أن نسبة الطيبة هى 0.000001%.

المهم النوع ده بيكون زي الفل وهو بعيد عن أمه بس أول لما بتظهر بيتحول لطفل مطيع، وعادة أمه بتقوم بحركات استعراضية لاثبات قد ايه هو ولد مطيع زي مروضة الأسود في السيرك كده، وبكده مش هو اللي هيقصر عمرك بطريقة مباشرة، ده الست والدته اللي هتقوم بالمهمة.

النوع التالت: ومهما عملتي أنتي غلط

في رجالة مهما عملتي عمرك ما هترضيهم، النوع ده كل يوم بتصحي بخطة جديدة عشان ترضي أو تبهري وكل يوم هيقولك في حاجة ناقصة، النوع ده مفيد لأنه بيخليكي تخسي من غير ما تعملي رجيم حرقة الدم والأعصاب في محاولة إيجاد فين اللي ناقص كفيلة أنه تخسسك النص في 6 شهور، وبرضه هتفضلي غلطانة.

النوع الرابع:انت بتحبي شجرة

النوع ده هو الطفل اللي ماكنش بيعشله كتكوت، ولو ربي صبار برضه بيموت منه، تخيلي الصبار اللي محدش عرف يموته هو قدر يموته، ده أنتي هتتبلي وأنتي معها هتشحتي منه الاهتمام، هتحسي أنك مع شجرة ممكن تتكلموا في مشاكل الانسان المعاصر في الحياة البوهمية، لكن أنتي ايه مضايقك أنسي.

 النوع الخامس: الروتين سيد الموقف

ده عادة هو الراجل اللي اتجوزتي جواز صالونات عشان مرتبة وعربيته و الشقة الجميلة، وممكن يكون برضة واحد حبتي بس هو روتيني..ده كل يوم معاه زي اللي قبله واللي بعده، و هتلاقي نفسك بتعجزي معاه أسرع ولو عمرك ما قصرش شبابك هو اللي هيقصر.

 المفاجأة بقا أن بعد التقسيمة دي الراجل الواحد ممكن يجمع بين أكتر نوع يعني أنتي ميتة ميتة.

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : حريتنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )