تدوينة لـ الشاعر م. وليد فؤاد
من سنين فى حَوارى لندن
جوَّة دَولة الإنجليز
شيّدوا بج بن طبعاَ
شكلها قطعاً لذيذ
والمبانى والعماير
اللي عاملة مربعات
واللي علي أشكال دواير
شايلة فيها كتير حاجات
في العمارة الانجليزى
أحلى حاجة البلكونات
واضحة طبعا يا عزيزى
بدون غموض وتساؤلات
في البراندة الانجليزى
نسمة الرّيح العليلة
والورود الّلندنية
تملي ميت مليون خميلة
مما خلى شخصيات
م الكبار والفنانين
يشتروا في حوارى لندن
بلكونات .. والقصد فين ..؟
والأكادة يا عم جون
كُلها طلعت بدون
سور طويل يحمى الزبون
م الوقوع والموت جماعة
حبَّة وسمعنا الإذاعة
عم "ليثى" مدام "سعاد"
حدفوا روحهم ف المهالك
برضو نط بدون معاد
الزبون "مروان" كذلك
حبَّة ولقينا الفضايح
جَت ترف علي المطار
والصناديق والصفايح
شايلة م الأشخاص كُتار
جَت تقارير النيابة
والحكومة المسئولين
حددِّت لينا الإجابة
بإنتحار المذكورين
واضح ان الإنبهار
بالتُراث الإنجليزى
كان نتيجته الإنتحار
م التُّراث والأمر إيزى
قوم سألت سؤال إيضاحى
لو يكونلى عيش في لندن
البلد أو في الضَّواحى
هل يكونله بلكونات ..؟
والاجابة هاتبقى ..نو
إحنا مش تلاميذ ياهو
نُص شعب مصر مات
من شبابيك علي بلكونات
عند بلد الإنجليز
الحقونا أوام بليز
أصل منظر مش لذيذ
إن مصرى ضيف عزيز
راح شهيد البلكونات
كُبَّة تاخُد الانجليز
_______________
إنت دون و حريتنا تنشر لك، لو مش عندك مدونة أو عندك مدونة وعايز متصفحين أكتر يشوفوا تدويناتك، كل ما عليك انك ترسل تدويتنك وصورة ليك / ي علي الإيميل ده Blog@horytna.net وحريتنا تنشر لك اللي انت هتكتبه